Dåpsengelen i Gol kyrkje vart flytta frå stavkyrkja og over i den nye kyrkja ved innviinga i 1882. Dåpsengelen er frå siste del av 1700-åra med klassiserande trekk i drakt, laurbærkrans og frisyre.

 

Gjennom tida har dåpsengelen hatt varierande plassering og opphengning i kor og seinare skip. I forbindelse med kyrkja sitt 125-års jubileum i 2007 ynskte soknerådet at dåpsengelen skulle tilbakeførast til opprinneleg plassering i koret, med hev-og senkbart oppheng og takast i bruk ved dåp.

 

Den svevande engelen er utskoren i tre med eit stilisert, gallionsfiguraktig uttrykk. Høgre handa er utstrekt og held om ein grønnmåla laurbærkrans med plass for dåpsfatet. Med rett veslefing er venstre handa lukka om ein gullmåla basun vendt nedover.

 

Engelen sin alder og opprinning er i utgangspunktet ikkje kjend. Den er i dag den einaste bevarte ”innlandsengelen” og skil seg frå dei fleste andre dåpsenglar i Norge (17) ved at den ikkje har begge hendene utstrekt i grep om dåpsfatet.

 

Dåpsengelen skal vera kjøpt av Svein Underberget frå Gol omkring 1850 og gitt til Gol stavkyrkje.